اٹلس انشورنس لمیٹڈ (اے آئی ایل) قائم شدہ 1934، نے ابتداً ، اپنا کاروبارمسلم انشورنس کمپنی لمیٹڈ کے نام سے شروع کیا اور اسی لئے اس کو پاکستان کی سب سے پرانی انشورنس کمپنی ہونے کا شرف حاصل ہے۔ پاکستان کے مرکزی بازارِحصص، یعنی پاکستان اسٹاک ایکسچینج میں اس کا اندراج موجود ہے۔ یہ کمپنی 1961سے لے کر 1979تک سرکاری ملازمین کے زیرِ انتظام رہی، جبکہ اس کا شخصی بیمہ پالیسی کا شعبہ 1972میں مکمل طور پر قومیا لیا گیا۔ 1980میں پاکستان کے ایک ممتاز کاروباری گروپ، اٹلس نے اس کا جنرل انشورنس کا کاروبار اپنی تحویل میں لے لیا۔ آگے چل کر سال 2006میں اس کمپنی کا نام مسلم انشورنس کمپنی لمیٹڈ سے تبدیل کرکے اٹلس انشورنس لمیٹڈ رکھ دیا گیا۔

اٹلس انشورنس لمیٹڈ ، جنرل انشورنس کے کاروبار سے منسلک ہے۔اٹلس انشورنس اپنے گاہکوں کی بیمہ کاری کی تمام ضروریات کا مکمل احاطہ کرتی ہے۔اس کی تازہ ترین پیش کردہ خدمات میں انجینئرنگ یا تعمیرات، سفر، قرض، صحت، غلہ اور دھان شامل ہیں ۔ یہ اُن تین پہلے سے موجود، بنیادی خدمات کے علاوہ ہیں، جیسے آتش زدگی، بحری اور گاڑی۔اٹلس انشورنس لمیٹد ، لاہور میں واقع اپنے مرکزی دفتر کے ساتھ 20 شاخوں کے ہمراہ اپنی کاروباری سرگرمیاں جاری رکھے ہوئے ہے۔